Қанипа Бітібаева атындағы қазақ тілі мен әдебиеті пәнінен республикалық олимпиадаға мектебіміздің биылғы 2024 жылғы түлегіміз Идаятова Гүлім жүлделі орын алып, Д.Серікбаев атындағы ШҚМУ-нің грант иегері атанды.

Мектебіміздің 9-10-сынып оқушыларына болашақта мамандық таңдауда қиындықтар болмау мақсатында жыл көлемінде әртүрлі оқу орындардан келіп, кәсіби бағдарлар берілді. 

Радикализм. Экстремизм. Терроризм. Оқушылар, ата-аналар, ұстаздар назарына!  

Шығыс Қазақстан облысының кәсіптік білім беру орталығының жоспарына сәйкес кәсіптік бағдарлау циклограммасын іске асыру шеңберінде аймақтық жоғары оқу орындарымен техникалық кәсіптік білім беру жүйесінде облыстық білім басқармасының ұйымдастыруымен "Старт Профи Shygys" атты стенд-моб ұйымдастырылды. Аталмыш шараға мектебіміздің 8-11 сынып оқушылары қатысты. Оқушылар көптеген оқу орындары мен факультеттер жайлы мәліметтер алып, мамандық таңдауда өз орындарын табуға үлкен мүмкіндіктер алды. 

Атақты швейцариялық және американдық психологтар, нейропсихология, клиникалық психология мамандары, аналитикалық психологияның негізін қалаған, көптік интеллект түсінігінің авторы, педагогтер Карл Густав Юнг пен Говард Гарнер негізін қалаған «My code» деген психологиялық/диагностикалық тест арқылы оқушылардың қай кәсіпке бейім болып қалыптасып келетіндері анықталды.

Мектебіміздің түлегі, қазіргі таңда Сағадат Нұрмағамбетов атындағы Құрлық Әскерлерінің Әскери институтының курсанты Жантыкеев Айбек Құмарбекұлымен болашақ түлектерге кәсіби бағдар беру мақсатында кездесу өтті және сұхбат алдық. Айбек оқуын жақсы көрсеткішпен оқып, белсенді курсанттардың бірі екендігін айтып қуантты. Айбекке асар белестерің көп, еліміздің мақтан тұтар азаматы бол, дегіміз келеді.

«Қазақстан Республикасының Мемлекеттік Күзет қызметі»  қызметкерлері 10-11 сынып оқушы ұлдарға кәсіби бағдар беру жұмысын жүргізді. Оқу орнына түсу жолдары, оқу барысындағы жағдайлармен таныстырып түсіндірді. Оқу орнына бойы 178-180 см-ден жоғары, денсаулығы жарамды, спорттық көрсеткіштері жақсы және ҰБТ-ден шекті 50 балл алатын ұл балаларды қабылдайды. Оқу мерзімі 4-5 жыл.

Мамандық таңдаудың негізгі шарттарын таныту мақсатында "МАК карталарды" пайдалану арқылы «Мамандық таңдау - маңызды іс» тақырыбында 11-сынып оқушыларымен тәрбие сағаты өтті. Болашақ түлектерімізге оқу орнын таңдау және болашақ мамандықтарын таңдау барысында қандай маңызды жайттарға көңіл бөлулері қажет, қандай ұстанымдары болу керек екендігі түсіндірілді.

Мектебімізде "Тоғыз айға тоғыз шара" жобасы аясында 9-11 сыныптар арасында "Болашаққа хат" тақырыбында шығарма жазды. Мақсаты: Өз болашақтарына деген көзқарастарын дұрыс қалыптастыру, алдарына мақсат қоя алатын, кәсіби өмірлерінде де өз орнын таба білетін жас ұрпақ тәрбиелеу. 

ҚР Ұлттық Қауіпсіздік комитетінің әскери қызметкерлері ZOOM арқылы 9-11сынып оқушыларына ҰҚК-нің еліміздегі және шет елдегі оқу орындарымен таныстырп, сол оқу орындарына түсу жолдарын түсіндірді. Оқу барысныдғаы және оқу бітіргеннен кейінгі қызмет атқару кезіндегі әскери қызметкерлерге көрсетілетін әлеумттік қолдау мен қамтамасыздандыру жайлы мәліметтер айтылды.